“پێکەوەژیان”بونیادی ئاشتی
آراء

“پێکەوەژیان”بونیادی ئاشتی

“پێکەوەژیان”بونیادی ئاشتی
 
ژیانی مرۆڤەکان پڕیەتی لە ململانێ و خوێنڕشتـن بەڵام
سەرەنجـامیان دانیشتن بوە بەرامبەر یەکتر وە قبوڵکردنی یەکتری بوە لە پێناو گەشتن بە ئاشتی.
بێگومان یەکێک لە بونیادەکانی ئاشتی پێکەوەژیانە
کە دەبێت لە قسەوباسەکاندا بۆ ئاشتی هەبێت،تا بتوانن بێ شەڕو کوشتار بژین.
نەتەوەو گـەلانی دونیا بە دوای ئاشتیدا دەگەڕێن چونکە بۆیان دەرکەوتوە کە ژیان بێ ئاشتی دروست و بەردەوام نابێت بۆ ئەمەش مێژوو شاهێدە کە مرۆڤایەتی ناچاری پێکەوەژیانە.
کەواتە لەسەرەتادا دەستپێشخەریەکان بۆ چۆنیەتی پێکەوەژیانە،چونکە پێکەوەژیان دەبێتە سەرچاوەیەکی گشتگیر بۆ یەکترقبوڵکردن و لێکـتێگەشتن،وە ئاشنا بوون
ئەمانەش پایەکانی بونیادنانی ئاشتین لە ناو کۆمەڵگادا،
بەتایبەت کۆمەڵگا فرە چەشنەکان لە ئاین و کلتوردا.
کەواتە بۆ ژیانکردنێک کە ئاشتی و ئاشتیخوازی تێدابێت
دەبێت پێکەوە ژیان ببێتە کلتور.
 
کامیار کەمال